കുപ്പിക്കു മേൽ ..... അവസാന ആണിയും ...!
അങ്ങിനെ സുപ്രീം കോടതി വക അവസാന ആണിയും അടിച്ചു കയറ്റി പക്ഷേ .., ആരും ഞെട്ടിയില്ല .
ഞെട്ടിയവർ ബാറുടമകൾ മാത്രം.
പിന്നെ ആയിരക്കണക്കിന് കുടുംബങ്ങളുടെ പ്രതീക്ഷയുടെ അവസാന നാളവും കെട്ടുപോയി .
ഇത് കൊണ്ട് എന്താണ് അർത്ഥമാക്കപ്പെടുന്നത് ?, മദ്യ ഉപഭോഗം കുറക്കലോ . അതോ ചിറ്റമ്മ നയമോ .?
ഒരു ദിവസകുടിയൻ ഞെട്ടാതെ പറഞ്ഞു .
അല്ലെങ്കിലും നമ്മൾ ഈ ഫോർ സ്റ്റാറിലും ത്രീ സ്റ്റാറിലും ഒന്നും പോയി കുടിക്കാറില്ല . നമുക്ക് ബിവറെജസ് ഉണ്ടല്ലോ എല്ലാത്തിനേക്കാളും വിലകുറവിൽ സാധനവും കിട്ടും .
പിന്നെ കുടിക്കാനായിട്ട് ഉള്ള സ്ഥലം നമ്മളീ നിപ്പൻ അടിക്കുന്നവർക്ക് എല്ലാം ഒരു പോലെ തന്നെ .
അപ്പോഴും ആർക്കും മനസ്സിലാകാത്തൊരു ലോജിക്ക് ഈ ത്രീ സ്റ്റാറും , ഫോർ സ്റ്റാറും എന്ത് പിഴച്ചു എന്നുള്ളതാണ് .?
ഫൈവ് സ്റ്റാറിലും ആകാം ബിവറേജസിലും ആകാം , കള്ള് ഷാപ്പിലും ആകാം പക്ഷേ .., അതിന്റെ നടുക്കുള്ളവർക്ക് മാത്രം ആകാൻ പാടില്ല .
ഇവിടെ മാത്രം നിരോധനം വന്നാൽ കേരളത്തിലെ മദ്യപാന ആസക്തി കുറയുമോ ? ആയിരക്കണക്കിന് മറ്റു മാർഗ്ഗങ്ങൾ മുന്നിൽ തുറന്നു കിടക്കുമ്പോൾ ഇത് ബാലിശമായി തോന്നുന്നു .
ഇനി അമിതമായ മദ്യപാന ആസക്തി കുറക്കാനാണെങ്കിൽ അതിന്റെ കാരണങ്ങൾ ആണ് കണ്ടെത്തേണ്ടത് . അത് മാനസീകാമോ ,ശാരീരികമോ , ആയ കാരണങ്ങൾ ആണോയെന്ന് കണ്ടെത്തി അതിന്റെ നിർമ്മാർജ്ജനം ഒന്നിൽ നിന്നു തന്നെ തുടങ്ങണം .
അല്ലാതെ കുറച്ച് ബാറുകൾ അടച്ച് മദ്യപാനത്തോടുള്ള ആസക്തി കുറയ്ക്കാമെന്ന് കരുതുന്നത് ഒരു അടിസ്ഥാനപരമായ ലോജിക്കായി തോന്നുന്നില്ല .
അമിതമായ ലഹരിക്ക് അടിപ്പെട്ടയാൾ എവിടെ പോയി വേണമെങ്കിലും തന്റെ ആസക്തി തീർക്കാം . അതിനു കഴിയുന്നില്ലെങ്കിൽ അയാൾ ലഹരിയുള്ള മറ്റെനേകം മാർഗ്ഗങ്ങൾ തേടിപ്പോയേക്കാം .
അത് കൂടുതൽ പ്രത്യാഘാതങ്ങളിലേക്കാണ് വാതിൽ തുറക്കുന്നത് .
ഒന്നില്ലെങ്കിൽ പൂർണ്ണമായൊരു നിരോധനം അല്ലെങ്കിൽ പിന്നെ ഈ നിരോധനത്തിന് എന്താണൊരു പ്രസക്തി ? മുട്ടിനു മുട്ടിനു കള്ള് ഷോപ്പുകൾ , ബിവറേജസുകൾ ഇതെല്ലാം ഉള്ളപ്പോൾ എങ്ങിനെയാണ് മദ്യ ഉപഭോഗം കുറയുന്നത് ?
ഈ നിരോധനത്തിലൂടെ ഒരു പാട് കുടുബങ്ങളെ പട്ടിണിയിലേക്കും, കഷ്ട്ടതയിലേക്കും തള്ളിയിടുന്നു എന്നുള്ള ദുഖകരമായ അവസ്ഥാവിശേഷം ഒഴിച്ചാൽ വേറെ യാതൊന്നും തന്നെയില്ല . ലഹരിക്ക് അടിമപ്പെട്ടവൻ പേ പിടിച്ച നായയുടെ മാനസീകാവസ്ഥക്ക് തുല്യനാണ് .
അയാളുടെ ഉള്ളിൽ ലഹരി .., ലഹരി എന്നുള്ള ഒരേ ഒരു വികാരം മാത്രം . അയാൾ ചുറ്റുമുള്ളതൊന്നും കാണുന്നില്ല താൻ ഉൾപ്പെടുന്ന സമൂഹത്തെക്കുറിച്ച് അയാൾ ബോധവാനല്ല . തന്റെ കുടുംബത്തെക്കുറിച്ചോ എന്തിന് .., തന്നെത്തന്നെകുറിച്ചോ അയാൾ ഉൽക്കണ്ടാകുലനല്ല.
ലഹരി ..,,അയാളുടെ ജീവിതത്തിൽ ഒഴിച്ച് കൂടാനാകാത്ത ഒരു ഭാഗമായി മാറിയിരിക്കുന്നു .
അതിൽ നിന്നുമുള്ള ഒരു മോചനത്തിന് മാനസീകവും ശാരീരികവും സ്നേഹപൂർണ്ണവും ആയ ഒത്തൊരുമയിലൂടെയുള്ള ചിക്ത്സാരീതിയിലൂടെ മാത്രമേ മുക്തി നേടാൻ കഴിയൂ എന്നിരിക്കെ .., ഈ തരത്തിലുള്ള ഒരു ബാഹീകമായ നിരോധനത്തിന്റെ വിജയസാദ്ധ്യത അതിന്റെ ഉദ്ദേശ്യശുദ്ധിക്ക് നൂറു ശതമാനവും യോജിക്കുന്നതാണോ എന്നുള്ളത് ചിന്തിക്കേണ്ടതുണ്ട് .?
കൂടാതെ ..,ഇത്രയും കഠിനമായ ലഹരിക്ക് അടിമപ്പെട്ടവർ വെറും തുച്ഛമായേ കേരള സമൂഹത്തിൽ ഉള്ളൂ .
അവർ ഒരിക്കലും ലഹരിക്കു വേണ്ടി സ്റ്റാർ ഹോട്ടലുകളുടെ പടിവാതിൽക്കലുകളിൽ എത്താറുമില്ല . അപ്പോൾ പിന്നെ ഈ നിരോധനം കൊണ്ട് എന്താണൊരു പ്രസക്തി .?
ആവശ്യമായ ഗ്രഹപാഠങ്ങൾ നടത്താതെയുള്ള ചില നയങ്ങൾ ഗുണത്തെക്കാളേറെ ദോഷങ്ങൾ ആണ് വരുത്തി വെക്കുക .
0 അഭിപ്രായങ്ങള്