അവാർഡുകൾ തിരിച്ചു കൊടുക്കപ്പെടുമ്പോൾ
ഇതിനോട് സമാനമയിട്ടുള്ള ഒരു ആർട്ടിക്കിൾ Mr .കമലഹാസൻ ഇന്നലെ ഒരു ഇന്റർവ്യൂവിൽ പറഞ്ഞിട്ടുണ്ട് .
സത്യത്തിൽ .., ഇത് അദ്ദേഹം എന്റെ അടുത്ത് നിന്ന് കോപ്പി അടിച്ചതൊന്നുമല്ല കേട്ടോ ( ഞാനും അദ്ദേഹത്തിന്റെ അടുത്തു നിന്ന് കോപ്പി അടിച്ചതല്ല ). നാലഞ്ചു ദിവസം മുമ്പേ എഴുതി വെച്ചതാണ് സമയക്കുറവ്മൂലം കൊടുക്കാൻ പറ്റിയില്ല .
പക്ഷേ .., അതിനും മുമ്പേ അദ്ദേഹം അതെടുത്തങ്ങു പറഞ്ഞു കളഞ്ഞു .
എന്തുചെയ്യാം .?
ഏതായാലും ഞാൻ എഴുതിവെച്ചതല്ലേ ..
നല്ല സാമ്യം തോന്നാം എങ്കിലും അത് വെറും യാദ്ധ്രിച്ചികം മാത്രം എന്നേ എനിക്ക് പറയാനുള്ളൂ .
ഒരേ പോലെ ചിന്തിക്കുന്ന പലരും ഉണ്ടാവുല്ലോ ?
അപ്പോ ചിലർക്ക് തോന്നാം ഈ ചീള് കേസ് കമലഹാസനുമായിട്ടൊക്കെ താരതമ്യം ചെയ്യാറായോ.?
അയ്യോ, അങ്ങിനെയൊന്നും ചിന്തിക്കരുത്
ഇതെങ്ങോട്ടാ രാവിലെത്തന്നെ സുഹ്രത്തേ ?
ഓ .., അതോ? അത് ഞാൻ എന്റെ അവാർഡ് തിരിച്ചു കൊടുക്കാൻ പോവാ.
അയ്യോ .., അതെന്തിന്?
അപ്പോ .., നിങ്ങൾ ഇതൊന്നും അറിയുന്നില്ലേ?
എന്ത് ?
കുന്തം ., എടോ ഈ രാജ്യത്ത് വർദ്ധിച്ചു വരുന്ന അസഹിഷ്ണുതയിൽ മനം നൊന്ത് എഴുത്തുകാരും , കലാകാരൻമാരും അങ്ങിനെ മറ്റുള്ളവരെല്ലാം അവർക്ക് ലഭിച്ച അവാർഡുകൾ തിരിച്ചു കൊടുത്ത് പ്രതിക്ഷേധിക്കുന്നു .
അതുകൊണ്ട് ?
അതുകൊണ്ടെന്നോ? എന്താ ..,ഇങ്ങനെ ചോദിക്കുന്നത് അതുകൊണ്ടെന്നാൽ അതൊരു പ്രതിക്ഷേധം തന്നെ .
എന്നാ ഞാനും വരുന്നു , എന്റെ കൈയ്യിലും ഒരു അവാർഡുണ്ട് .
ഉവ്വോ , എന്താത്
എനിക്ക് രണ്ടാം ക്ലാസ്സിൽ പഠിക്കുമ്പോ ഒളിച്ചു കളിക്ക് കിട്ടിയ ഒരു സ്റ്റീൽ പിഞ്ഞാണി .
അത് താൻ വല്ല ആക്രിക്കടയിലും കൊണ്ട് പോയി കൊടുത്താൽ മതി
എടോ , ഇത് വല്യ വല്യ അവാർഡാണ് ഇന്ത്യൻ ഗവണ്മെന്റ് തരുന്നത് .
ഇത്രയും വല്യ അവാർഡ് ആയിട്ടാണോ നിങ്ങൾ അത് തിരിച്ചു കൊടുക്കുന്നത്? ഇത് ഇന്ത്യൻ ഗവണ്മെന്റ് തന്ന അവാർഡ് അല്ലേ നിങ്ങളുടെ കഴിവിനുള്ള അംഗീകാരമായിട്ട് അല്ലാതെ ഏതെങ്കിലും പാർട്ടിയുടേയോ അല്ലെങ്കിൽ വ്യക്തികളുടെയോ സമ്മാനങ്ങളോ മറ്റോ ആണോ തിരിച്ചേൽപ്പിച്ച് പ്രധിക്ഷേധിക്കാൻ ?
അവാർഡ് എന്ന് പറയുന്നത് സ്വന്തം സർഗ്ഗശേഷിക്ക് കിട്ടുന്ന അംഗീകാരമാണ്
സ്വന്തം കഴിവിന് ഒരു രാജ്യം തന്ന അംഗീകാരം , ഒരു നാടിന്റെ പ്രശസ്തി പത്രം . അത് തിരിച്ചേൽപ്പിക്കുക എന്ന് പറഞ്ഞാൽ സ്വന്തം കഴിവുകളെ താൻ തന്നെ തള്ളിക്കളയുന്നതിനും, സ്വന്തം രാജ്യത്തിന്റെ ആത്മാഭിമാനത്തെ ചോദ്യം ചെയ്യുന്നതിനും തുല്യം .
ആ അവാർഡുകൾ തിരിച്ചേൽപ്പിക്കുകയല്ല വേണ്ടത് അവാർഡ് ജേതാക്കൾ എന്ന ലേബലിൽ നിന്നുകൊണ്ട് പടപൊരുതുകയാണ് വേണ്ടത് . എത്രയോ വർഷങ്ങളിലൂടെയുള്ള ഒരാളുടെ കഠിന പ്രയത്നത്തിനുള്ള അംഗീകാരമാണ് ഒരു അവാർഡ് .
എത്രയോ പ്രതിഭകളിൽ നിന്ന് ആറ്റി ക്കുറുക്കി നിങ്ങളെ തിരഞ്ഞെടുത്ത് നിങ്ങളുടെ മുന്നോട്ടുള്ള യാത്രക്ക് ഊർജ്ജവും,ശക്തിയും പകർന്നു തരുന്ന അവാർഡുകൾ തിരിച്ചേൽപ്പിക്കുന്നതിലൂടെ അതിന് നിങ്ങളെ തിരഞ്ഞെടുത്ത ഒരു രാഷ്ട സംവീധാനത്തെ അവമാനിക്കുകകൂടിയാണ് ചെയ്യുന്നത് .
സ്വന്തം കൈയ്യിൽ വജ്രായുധമുള്ളപ്പോൾ അമ്പും വില്ലും എടുത്ത് പ്രയോഗിക്കേണ്ട കാര്യമുണ്ടോ ?
അതെന്താണ് ഈ വജ്രായുധം ?
സ്വന്തം സർഗ്ഗശേഷി തന്നെ .
ആ മൂർച്ചയുള്ള വജ്രായുധത്തിൽ കൂടി അനീതിക്കെതിരെ പടപോരുതട്ടെ കാരണം അവരുടെ തൂലികകൾക്ക് അതിനുള്ള ശക്തിയുണ്ട് മൂർച്ചയുണ്ട് .
അവാർഡുകൾ പകർന്നു നൽകിയ ശക്തി .
അവാർഡുകളുടെ പിൻബലം ഇല്ലായിരുന്നുവെങ്കിൽ അവരെ ഇന്നത്തെ, ഇന്നുകാരായി ലോകം അറിയുമോ ?
ആ .., അവാർഡുകളാണ് അവരെ അവരാക്കിയത് ലോകം അറിയുന്നവരാക്കിയത് . അത് തോന്നുമ്പോൾ തിരിച്ചു കൊടുക്കാനുള്ളതല്ല. അത് ഒരു നല്ല കാര്യത്തിനുള്ള, ഒരു നല്ല ചിന്തയുടെ ഫലമായുണ്ടാകുന്ന പ്രതിക്ഷേധസ്വരമാണെങ്കിൽ കൂടിയും .
യുക്തിസഹജമായ മറ്റെനേകം മാർഗ്ഗങ്ങൾ മുന്നിലുള്ളപ്പോൾ ബാലിശമായ ഒരു പ്രതിക്ഷേധ രീതിയെ ഉൾക്കൊള്ളാൻ കഴിയുന്നില്ല .
എന്റെ പറമ്പ് ,ഞാൻ വെച്ച വാഴ , എന്റെ വാഴ കുലച്ച കായ അത് ഞാൻ വെട്ടിക്കളയുകയോ , തിന്നുകയോ ചെയ്യും അതെന്റെ വ്യക്തി സ്വാന്ത്ര്യം .
ആവാം ആരും അതിന് എതിരു പറയുന്നുമില്ല ആ വ്യക്തി സ്വാന്ത്ര്യങ്ങളുടെ മറവിലാണല്ലോ നമ്മൾ എന്തും ചെയ്യാൻ കഴിവുറ്റവരായിത്തീർന്നത് .
ഒരു രാഷ്ട്രം നൽകുന്ന അംഗീകാരത്തിന് അതുനുള്ള മാന്യത നൽകിയേ തീരൂ , അതിനെ നമ്മൾ അപഹാസ്യരാക്കരുത് . അവാർഡുകൾ തിരിച്ചു കൊടുക്കുന്നതിലൂടെ നിങ്ങൾ പ്രധിക്ഷേധിച്ചത് രാജ്യത്തെ അസഹിഷ്ണതക്കെതിരെയല്ല മറിച്ച് നിങ്ങളുടെ രാജ്യത്തിന്റെ ആത്മാവിനെതിരെയാണ് .
കാരണം ഈ അവാർഡുകൾ നിങ്ങള്ക്ക് നൽകിയത് രാഷ്ട്രീയ പാർട്ടിയല്ല മറിച്ച് രാഷ്ട്രമാണ് , ആ പരമോന്നത അധികാരത്തെ ചോദ്യം ചെയ്യപ്പെടരുത്.
0 അഭിപ്രായങ്ങള്