ദൈവീകമായ വിജയ വഴി .
ജീവിതത്തിൽ ആരെങ്കിലുമൊക്കെ ആകണം, ആയിത്തീരണ പക്ഷേ എങ്ങിനെ .?
അതാണ് മനസ്സിലാകാത്തത് ആരോടാണ് ചോദിക്കുക ?
എങ്കിലും ഞാൻ ചോദിച്ചു പലരോടും .
ചിലർ പറഞ്ഞു .. നന്നായി കഷ്ട്പ്പെടണം .
ശരി ...ഓക്കേ കഷ്ട്പ്പെടാൻ ഞാൻ തയ്യാറാണ് പക്ഷേ .., എവിടെയാണ് കഷ്ടപ്പെടെണ്ടത് .? എങ്ങിനെയാണ് കഷ്ട്പ്പെടെണ്ടത് ?
അത് പറഞ്ഞു തരാൻ അവർക്കായില്ല .
എങ്കിൽ പിന്നെ ഞങ്ങൾക്കത് ചെയ്താൽ പോരേ എന്നുള്ള അവരുടെ പിറുപിറുക്കലുകൾ ഞാൻ കേട്ടുവോ ആവോ .?
വെറുതെ തലയിൽ ഒരു കല്ലും വെച്ചു നിന്നാൽ , അതും ഒരു കഷ്ടപ്പാടാണ് അപ്പൊ അതുകൊണ്ട് ജീവിതവിജയം നേടാനാകുമോ ?
ഇല്ല .
മറ്റു ചിലർ പറയുന്നു നമ്മൾ ഐഡിയ പൂർവ്വം മുന്നോട്ട് നീങ്ങണമെന്ന് , എന്നാൽ എന്ത് ഐഡിയയെന്ന് അവർക്കും ഉത്തരമില്ല .
''please come to us ..., we give you success . എന്ന വാചകത്തിന് പിന്നാലെ നടന്ന് കുറേ കാശും കൊടുത്ത് അവരുടെ ഗീർവാണങ്ങൾ കേട്ടു മടങ്ങിയതു മാത്രം മിച്ചം .
നല്ല വാഗ്ചാതുരിയുള്ള പ്രസംഗം നമ്മളെ പിടിച്ചിരുത്തും ഓരോരോ അനുഭവങ്ങളിലൂടെ അവർ നമ്മളിലേക്ക് ഊർജ്ജം കുത്തിവെക്കുന്നു പക്ഷേ . നമ്മുടേതായ ഒരു വഴി കാണിച്ചുതരാൻ അവർക്കും കഴിയുന്നില്ല
അപ്പോൾ ഈ success എന്നു പറയുന്നത് നമ്മളിലേക്ക് വന്നു ചേരുന്നതോ ?, അതോ നമ്മൾ കണ്ടെത്തുന്നതോ .? നമ്മൾ കണ്ടെത്തുന്നതിനെ നമുക്ക് success എന്നു വിളിക്കാം നമ്മളിലേക്ക് വരുന്നതിനെ ഭാഗ്യമെന്നല്ലേ വിളിക്കാനാകൂ .
ചിലർ സൈക്കളിൽ ചായ വെച്ച് വിറ്റ് , ടീ കട വെച്ച് പിന്നെ ഹോട്ടലുകൾ വാങ്ങി ജീവിത വിജയം നേടിയിട്ടുണ്ട് . എന്നുവെച്ച് അവരുടെ ജീവിത കഥ വായിച്ച് എല്ലാവരും ചായ കെറ്റിലുമായി സൈക്കിൾ ചവിട്ടാൻ തുടങ്ങിയാൽ . വെറുതെ കാലു കഴച്ച്, സൈക്കിളിന് തേയ്മാനം വരുത്താമെന്നേയുള്ളൂ .
ചിലർ അഭിനയത്തിലൂടെ പ്രശസ്തരാകുന്നു , മറ്റു ചിലർ എഴുതി പ്രശസ്തരാകുന്നു അങ്ങിനെ ഓരോ തുറയിലും ജീവിതവിജയം നേടുന്നവർ പക്ഷേ .., അതെല്ലാം വിരലിൽ എണ്ണാവുന്നവർ മാത്രം
ബാക്കിയുള്ളവർക്കെല്ലാം എന്തു സംഭവിക്കുന്നു .?
അവർ പരിശ്രമിക്കാഞ്ഞിട്ടാണോ ? അല്ല .., അവരും പരിശ്രമിക്കുന്നുണ്ട്.. എന്നിട്ടും എന്തേ ...., ആ വിരലിൽ എണ്ണാവുന്നവരിൽ ഒരാളായിത്തീരാൻ കഴിയുന്നില്ല ?
ഇവിടെയാണ് ദൈവാനുഗ്രഹത്തിന്റെ പ്രസക്തി മറ്റു ചിലർ അതിനെ ഭാഗ്യത്തിന്റെ പേരിട്ടു വിളിക്കുന്നു . ദൈവത്തിലൂടെയാണ് ഈ ഭാഗ്യം സംഭവിക്കുന്നതെന്ന് അവർ മനസ്സിലാക്കുന്നില്ലെന്നു മാത്രം .
''രണ്ടു നാളു കൊണ്ടൊരുത്തനെ തണ്ടിലേറ്റുന്നതും ഭവാൻ ...
മാളിക മുകളിലിരിക്കും മന്നന്റെ തോളിൽ മാറാപ്പു കേറ്റുന്നതും ഭവാൻ ''.
അപ്പോൾ ഭാഗ്യമെന്നവാക്കിനേക്കാൾ ഉപരിയായി ദൈവീകതയിലൂടെയാണ് നാം ചരിക്കേണ്ടത്. ദൈവീക ചേതന നമ്മിൽ വന്നു നിറയുമ്പോൾ മാർഗ്ഗങ്ങൾ താനേ തെളിയപ്പെടുന്നു ആ മാർഗ്ഗത്തിൽ ചിലപ്പോൾ , കല്ലുകൾ ഉണ്ടാകാം മുള്ളുകൾ ഉണ്ടാകാം അത് നമ്മൾ താണ്ടിക്കടക്കുകതന്നെ വേണം . ഇവിടെയാണ് കഷ്ടപ്പെടണം എന്നു പറയുന്നതിന്റെ പ്രസക്തി .
ചുരുക്കിപ്പറഞ്ഞാൽ ദൈവീകമായ പ്രകാശം പരത്തുന്ന കഠിനമായ വഴികളിലൂടെ നാം ചരിക്കുമ്പോൾ പലപ്പോഴും വീണു പോകുമായിരിക്കും, എന്നുവെച്ച് നിരാശർ ആകേണ്ട കാര്യമില്ല ചാടിയെഴുന്നെല്ക്കുക .
ദൈവം കാണിച്ചു തന്നെ വഴിയാണത് അവിടെ ദൈവീക കരങ്ങൾ നമ്മളെ താങ്ങുവാനുണ്ടാകും, അങ്ങിനെ അതിലൂടെ നമ്മൾ ലക്ഷ്യത്തിലെത്തിച്ചേരുമ്പോൾ അതിനെ success എന്നു വിളിക്കുന്നു .
ആത്മീയമായും , മാനസീകമായും , ശാരീരികമായും ആ ആത്മീയ ചൈതന്യത്തിലൂടെ നാം നേടുന്ന വിജയത്തിനേ നിലനിൽപ്പുള്ളൂ .
മറ്റുള്ളതെല്ലാം വെറും നൈമിഷികമായ നീർക്കുമിളകളാണ് ഒരു ചെറിയ കാറ്റടിച്ചാൽ എന്തിന് .., വെറുതെ ഒന്നൂതിയാൽ പോലും പൊട്ടിപ്പോകുന്ന വെറും നീർക്കുമിളകൾ .
0 അഭിപ്രായങ്ങള്