ജാതി വെറി പിടിച്ച കോമരങ്ങൾ
രക്ത രക്ഷസ്സുകൾ അലറി വിളിക്കുന്ന നാട് ജാതി വെറി പിടിച്ച കോമരങ്ങൾ ഉറഞ്ഞു തുള്ളുന്ന ഒരു ലോകം .
ഹേ .., ജാതി വെറി പിടിച്ച കോമരങ്ങളെ നിങ്ങൾ ജനിക്കാതിരുന്നെങ്കിൽ അത് നിങ്ങളുടെ മാതാപിതാക്കളുടെയും നിങ്ങൾക്ക് വരാനിരിക്കുന്ന തലമുറകളുടേയും പുണ്യം .
ജാതി വെറി പിടിച്ച് അലറി വിളിച്ചു കൊണ്ട് നിങ്ങൾ ചുട്ടു കൊന്നത് ദൈവങ്ങളെ തന്നെ . അതിന്റെ പാപഭാരം ഏത് ഗംഗയിൽ പോയി സ്നാനം ചെയ്താലാണ് നിങ്ങളുടെ മേൽ നിന്നും ഒഴുകിപ്പോവുക .?
തലമുറകൾ പേറേണ്ടി വരുന്ന ആ പാപഭാരത്തിന്റെ മാറാപ്പ് നിങ്ങൾ എവിടെ കൊണ്ട് പോയി ഇറക്കി വെക്കും ? അതിനുള്ള പ്രതിഫലം ഇവിടെ നിന്നും കിട്ടാതെ ഈ ജീവിതം അങ്ങിനെയൊന്നും നിങ്ങളെ വിട്ടു പോവില്ല അതിന്റെ ഭീകരത ഡെമോക്ലോസ്സിന്റെ വാൾ പോലെ നിങ്ങളുടെ തലക്കു മുകളിൽ തൂങ്ങി ആടിക്കൊണ്ടേയിരിക്കും.
തോളിലൊരു പാപമാറാപ്പും പേറി ജന്മാന്തരങ്ങൾ നിങ്ങൾ ഗതി കിട്ടാതെ അലയും . അത്രക്കും കൊടൂരമായ പാപഭാരത്തിന്റെ രക്തക്കറ നിങ്ങളുടെ കൈകളിലുണ്ട് .
രണ്ട് പിഞ്ചു കുഞ്ഞുങ്ങളെ ജീവനോടെ ചുട്ടെരിച്ചിരിക്കുന്നു സഹിക്കാനാവാത്ത വേദനയിൽ ആ കുഞ്ഞു ജീവനുകൾ ശരീരത്തിൽ നിന്നും വേർപ്പെടുമ്പോളുള്ള ..ആ .., കുഞ്ഞുങ്ങളുടെ നിലവിളി എന്റെ ദൈവങ്ങളെ .., എന്നായിരിക്കും ജാതിക്കതീതമായ ദൈവങ്ങളോട് .
അതങ്ങ് സ്വർഗ്ഗത്തോളം ചെന്നെത്താതിരിക്കില്ല ആ നിലവിളി കേൾക്കതിരിക്കാൻ മാത്രം അവിടന്ന് ബധിരനുമല്ല. ആ കോപത്തിൽ നിന്നും പുറപ്പെടുന്ന അഗ്നിസ്ഫുലിംഗങ്ങൾക്ക് നിങ്ങളെ പച്ചക്ക് ചുട്ടെരിക്കാനാകും ആ തീജ്ജ്വാലകൾ നിങ്ങളുടെ തലമുറകളെ പിന്തുടരും . അതിൽ നിന്നും ഓടിയോളിക്കാനായി ഇടമില്ലാതെ നിങ്ങൾ ജീവനും കൊണ്ട് ഈ ലോകം മുഴുവനും പരക്കംപായും .
ഹാ .. കഷ്ട്ടം വെറി പിടിച്ച ജാതി കോമരങ്ങളേ നിങ്ങളെപ്പോലെയുള്ള നരനും , നരിയും കെട്ടവരാണ് ഈ നാടിന്റെ തീരാശാപങ്ങൾ . നിയമങ്ങളിൽ നിന്ന് നിങ്ങൾക്കൊരു പക്ഷേ ഒളിച്ചോടിയെനായേക്കാം . പക്ഷേ .., ജീവിതത്തിൽ നിങ്ങൾ വലിയൊരു തെറ്റു ചെയ്തു പൊറുക്കാനാകാത്ത തെറ്റ് .
അതിൽ നിന്നും രക്ഷപ്പെടാനായി സ്വയം ജീവത്യാഗം ചെയ്തേക്കൂ അതാണ് നിങ്ങൾക്ക് നല്ലത് .
കുതിച്ചു വരുന്ന ട്രെയിനു മുന്നിൽ അകപ്പെട്ട് ശരീരം ഛിന്നഭിന്നമാകുന്ന ദു:സ്വപ്നം പോലെ അത് നിനക്ക് സ്വസ്ഥത തരില്ല അത് നിന്നെ വേട്ടയാടിക്കൊണ്ടേയിരിക്കും . നിങ്ങളെല്ലാം ജന്മമെടുത്തിരിക്കുന്നത് മാതാപിതാക്കളുടെ ഇണ ചേരലിലൂടേയോ , അതോ സാത്താനെറെയോ ?
ആദ്യത്തേതാകാൻ വഴിയില്ല അങ്ങിനെയെങ്കിൽ അത് മനുഷത്വമുള്ള മനുഷ്യരായേനെ. നിന്റെ ശരീരം മുറിച്ചു നോക്കിയാൽ വരുന്നത് രക്തമോ, അതോ വിസർജ്ജ്യമോ ?
പേ പിടിച്ച് ഓടുന്ന ചെന്നായ്ക്കളെ ഏത് ജാതിയാണ് നിന്നെ അലസോരപ്പെടുത്തുന്നത് ? എവിടെയാണ് നിനക്ക് ജാതിയുടെ അതിർവരമ്പുകൾ കാണാനാകുന്നത് .?
സവർണ്ണനോ , അവർണ്ണനോ , ഹിന്ദുവോ , മുസ്ലിമോ അതോ ക്രിസ്ത്യാനിയോ?
ഈ ജാതി വെറി പിടിച്ച നരാധമകൂട്ടത്തിൽ ജീവിക്കുമ്പോൾ പുച്ഛം തോന്നുന്നു. ആദിമ മനുഷ്യനെ സൃഷ്ട്ടിച്ചതു മുതൽ അവനെ വഴി തെറ്റിക്കാൻ ദൈവം സാത്താനേയും പടച്ചു വിട്ടിരിക്കുന്നു .
കലികാലം .., കലി പൂണ്ട ലോകത്ത് നടക്കുന്നതെല്ലാം കലിയുടെ അവതാരങ്ങൾ മാത്രം . സഹോദരൻ , സഹോദരനെതിരേയും ലോകം ലോകത്തിനെതിരേയും , വാളെടുക്കുന്ന സമയം .
പക്ഷേ .., ഒന്നോർക്കുന്നത് നല്ലത് വാളെടുക്കുന്നവനൊക്കെ വാളാലേ തീർന്ന ചരിത്രമേയുള്ളൂ .
അവർ നായ്ക്കളെപ്പോലെ പേ പിടിച്ച് ഓടും , ജന്മാന്തരങ്ങളോളം . അവസാനം എവിടെയെങ്കിലും വീണ് തല തല്ലി ചാവാൻ ആഗ്രഹിക്കും എന്നാൽ അതിനു കഴിയില്ല ഈ പാപഭാരങ്ങളുടെയെല്ലാം പ്രതിഫലം കിട്ടാതെ ജീവൻ പോലും വിട്ട് പോവില്ല . സ്വ ജീവൻ ഒന്ന് ഹോമിക്കാൻ വേണ്ടി ആർത്തലച്ച് കരയും എന്നാൽ അത് കേൾക്കാൻ അവിടെ ആരും ഉണ്ടാവില്ല .
0 അഭിപ്രായങ്ങള്